Сэсэгма Гармаева. Хүгшэд

Үндэр хадын хормойдо
Урсахан гэрхэн харагдадаг,
Үдэр бүри тэндэһээ
Утаахан дээшээ һунадаг.

Багахан энэ байшан соо
Байдаг даа хоёр хүгшэд.
Халуун үдэрэй ерэхэдэ,
Хүрэнгөө уухаяа бэлэнэд.

Үхэр малаа барижа,
Үрмөө ходо хүшөөнэд.
Аарюул, хуруудаа бэлдэжэ,
Аягатай сайгаа оошонод.

Үглөөгүүр эртэ газаашаа
Үбгэжөөл яаран гарадаг,
Уула, обоо,нютагтаа
Үргэжэ сайгаа байдаг.

Холын газарта ябаһан
Хайрата үри хүүгэдээ,
Нэрлэн байжа дурдан,
Наманшалан, ородог гэртээ.

Элдин дайдын үбсүүн дээрэ
Энээхэн хоёр хүгшэдэй
Үшөөл олон жэлнүүдтэ
Иигэжэ һуухань болтогой!

Сэсэгма Гармаева

Уран хүн