Хоца Намсараев. Алтан хабар

Алтан хабар

Халюун буурал хабарнай

Хаhа соогоо айлшалба,

Хангай баян газарнай

Хангал сэсэг бушхуулба.

Хадын түргэн горходнай

Хааян шууян урдаба,

Уужам налюур дайдамнай

Ундаа хүлеэн уярба.

Хатуу шулуун ханаабаар

Халима уhан билтарба,

Yндэр набтар гүбээгээр

Yгсэн тойрон харьялба.

Торгон таряан пэгшыжэ,

Тоhолиг үнгөөр сэнхиибэ,

Баян намараа хүлеэжэ,

Байгал шэнгеэр долгилбо.