27 января 2021, 00:04

Сэсэгма Гармаева. Наһанай харгы

Үхибүүн багахан үедэшни
Үнгын сэсэгээр бүрхөөтэй
Үргэн харгы урдашни
Уряалан байха шамай.

Хүдэр хорёод наһандаш
Харгы уужам, аятай.
Холын һайхан газарнууд
Хүлеэн байха: хабатай.

Дүшөөд наһанай үедэ
Дардам харгы харагдаха,
Олоороо алхалха арга
Одоол эндэ олдохо.

Наһанай дабаа буухадаш,
Нариихан зүргэ үлэхэ,
Нэгэ мэдэн гэхэдэш,
Ногоогоор хушагдан эхилхэ…

Сэсэгма Гармаева

Уран хүн

Поделиться:

Автор:

comments powered by HyperComments