10 августа 2018, 13:29

Олтирог

 

Далайн нэгэ үзэсхэлэнтэ олтирог дээр

Нюсэгэн мүрнүүдээ танижа зүүдэндээ харабаб…

Долгёор эльбүүлhэн элhэн хайртай эрье дээр

Мүшхэжэ ерэhэн мүрөө гэнтэ алдабаб…

 

Саана холо — далай дээгүүр тунаhан

Сэнхир хүхэ манан сооhоо hэмээхэн

Далбага-онгосын үлеэлгэжэ тамарhан

Дүүжэнтэhэн үлгы соонь hэреэ hэм…

 

Хүнэй хүрөөгүй дайдын энэ олтирог дээр

Хэзээ нэгэтэ хүрэжэ ерэhэн гүб?

Нүгөө түрэлдөө, али хэтын нирваана дээр

Нүгэл хэжэ, замби дээрэ түрэhэн гүб?

 

Уран хүн

Солбон Аюшеев.

Поделиться:

Автор:

comments powered by HyperComments