Солбон Аюшеев. Буга

Наранай hуужа байхада,

Намарай хадын оройдо,

Займаг буга оройтоод,

Зогсобо ойрохон  зайда…

Толондо толорhон эбэрэйнь

Тэнгэри хадхаhан hалаан соо

Багташоод байба нарамнай –

Баржагар эбэрэйнь дүхэриг соо…

Эрид хабсагайн эрмэг дээрэ

Халтиран тэсэжэ зогсоhон,

Эрэлхэг буга эбэрээрээ

Эрьюулнэ нара доhолгон…

Хурса харасань нам руу —

Хэмши? – гэhэн асуудал.

Хүнби, — гэжэ үрдеэгүйб —

Хулжаран hүрөө хада руу…

Наранай hуужа байхада,

Хойноhоо hэбшээн үлеэхэдэ,

Бугын дуунай аялга

Хүбшэ дээгүүр суурятаа…

Уран хүн 

Солбон Аюшеев.